Huis Immergroen verwelkom nuwe personeel

THABAZIMBI – Huis Immergroen, wat hul amptelike opening in Februarie gevier het, heet vandeesweek hul nuwe personeel welkom.

Die personeel sal toesien dat elke senior burger in Huis Immergroen, die beste sorg na hul vermoë sal ontvang.

Huis Immergroen, onderleiding van hul bekwame bestuurder, me Marie Steenekamp, spog ook met ‘n “geen skuld” status. Hulle bedank graag die gemeenskap vir hul ruimhartigheid en hoop om nog vir jare in noue samewerking met alle donateurs te werk sodat die bejaardes hul goue jare in hierdie puik bejaardesorgsentrum met waardigheid kan deurbring.

Daar is tans vyf bejaardes in Huis Immergroen en teen einde Maart sal daar agt inwoners wees. Indien u ‘n plek wil bekom in die puik sentrum, kontak me Marie Steenekamp by 0722520770.