Kansa ondersteuners skrik nie vir Shavethon

“Sexy” Sam het die Shavethon-span tot in Northam gaan soek om sy steun op dié wyse te toon.

THABAZIMBI – Die Kansa Thabazimbi-tak het op Skrikkeldag, Woensdag 29 Februarie, ‘n Shavethon voor Kumba se hoofgebou gehou.

Die hoogtepunt was toe Moksie Pelser haar boskasie verloor het ter viering van haar kankervrye status nadat sy vyf jaar gelede met borskanker gediagnoseer is. Ander Kansa-ondersteuners het in haar spore gevolg en hul hare laat afskeer of gekleur teen ‘n nominale bedrag.

Die kansa-tak hou op Vrydag 2 Maart weer ‘n Shavethon te Absa-bank vanaf 08:00 – 13:00. Almal is welkom om hul hare af te sny of te kom kleur om hulle steun vir Kansa te toon. Die koste beloop R20 of ‘n donasie, wat weer teruggeploeg word ter versterking van Kansa se fondse.

Skakel Sr Adele da Silva by 082 493 2473 of epos haar by adasilva@cansa.org.za vir enige navrae.