Landbouskou beoordelings tye

THABAZIMBI – Die skouhekke sal reeds om 7:00 op Donderdag, 29 Julie open. Daar word afgeskop met die veebeoordeling om 8:00,  wat opgevolg word deur die Vet vee veiling, aangebied deur Fixtrade, om 11:00.
Teen 13:00 kan die ouens nader staan vir die beoordeling van die Brahmane, wat op Vrydagoggend, 30 Julie, voortgesit sal word. Later die Vrydagmiddag, om 14:30, kom die Interras beoordeling aan die beurt. Om 16:00 vind die massa veeparade en die Appaloosa perde se tentoonstelling plaas. Saterdag, 31 Julie, spring die perde weg met hul vertoning om 9:30.
Almal wat hard gewerk het met die voorbereiding van hul spoggerige vee, kan later Saterdagoggend by die ander manne in die Trollope saal aansluit om die kele geoefen te kry vir die rugby stryd tussen Suid-Afrika en Australië wat om 11:00 uitgesaai word. Om mamma gelukkig te hou, sleep haar na die dans van die SA Event Management wat om 19:00 begin.
Daarmee sal Thabazimbiërs nog ‘n suksesvolle sage afsluit.