HFM Boogskuts vaar puik by Binnehuis-kampioenskappe

Sien res van artikel onder Thaba Boog en Hengel advertensie

Besoek Thaba Boog en Hengel vir alle jag en hengel benodighede


Kom praat met ons om die regte boog volgens jou behoefte te kies.
Of jy dit net as ’n sportsoort op kompetisie-vlak beoefen of meer professioneel op boogjag-vlak – Ons kan help.

Wil jy lid word van Thabazimbi se energieke Boogklub – kom besoek ons by Thaba Boog en Hengel, ons kan jou uitskiet op die regte pad

Thaba Boog en Hengel Besigheidsure tydens Vakansiedae:


Saterdag 21 Maart
Menseregtedag: 08:00 – 13:00
Paasnaweek 10 tot 13 April:
Vrydag 10 April: Gesluit
Saterdag 11 April: 08:00 – 13:00
Maandag 13 April: 08:00 – 14:00

Die meegaande artikel word geborg deur Thaba Boog en Hengel

HFM Boogskuts vaar puik by Binnehuis-kampioenskappe

Skuts van Hoërskool Frikkie Meyer wat die afgelope naweek aan die Ekurhuleni Binnehuis Boogskiet Kampioenskappe in Kemptonpark deelgeneem het, het puik gevaar met heelwat eerste, tweede en ‘n derdeplek wat hulle ingesamel het.


Die uitslag was as volg
(kolskote word aangedui met ‘n “X”, die middel van die teiken):
Ameij Broekhuizen wat in die Junior Meisies Vryskut Afdeling (JFFU. deelgeneem het verdien ‘n Eersteplek met 292 uit 300 punte (26 X’e.)
Maya Broekhuizen, wat in die Junior Meisies Boogjagter Afdeling (JFBU) deelgeneem het, behaal ook ‘n Eersteplek met 291 uit 300 punte (22 X’e).
Kruger van Zyl wat in die Junior Seuns Boogjagter Afdeling (JMBU) deelgeneem het behaal ‘n Eersteplek met 292 uit 300 punte (32 X’e).
Selkirk von Wielligh neem deel in die Jong volwasse Mans Boogjagter Afdeling (YMBU) en verdien ‘n Tweedeplek met 277 uit 300 punte (18 X’e) en
Liezelotte Smit wat in die Junior Meisies Boogjagter Afdeling (JFBU) deelgeneem het verdien ‘n Derdeplek met 270 uit 300 punte (12 X’e).
Shanel Furstenberg neem deel in die Junior Meisies Boogjagter Afdeling (JFBU) afdeling en alhoewel sy nie ‘n plek behaal het nie, skiet sy baie goed met 270 uit 300 punte met 5 X’e.

Volgens Lusette von Wielligh, HFM se Boogskiet organiseerder, is sy besonder trots op hierdie prestasie van die boogskuts. Dit was dan ook die eerste Binnehuis kompetisie waaraan beide Liezelotte en Shanel deelneem, nieteenstaande dit het hulle baie goed presteer.

Die Nasionale Veld Kampioenskappe wat hierdie naweek vanaf 20 tot 22 Maart op Thabazimbi se Boogskietbaan aangebied sou word is weens die regering se wetgewing om die verspreiding van die koronavirus te beperk uitgestel.

Die besluit raak ook die 70ste SA Nasionale Skyfskiet Kampioenskappe wat vanaf 10 tot 13 April aangebied sou word sowel as die SA Nasionale IFAA Binnehuis Kampioenskappe wat vanaf 25 tot 27 April aangebied sou word.

Daar word gekyk na geskikte datums verder in die jaar maar ongelukkig kan daar op hierdie stadium geen besluit geneem word nie.

SANAA sê verder dat die uitstelling van hierdie kampioenskappe as ‘n groot teleurstelling kom maar dat die gesondheid van die deelnemers vir hulle ‘n prioriteit is.