HFM het die derdeplek losgeswem tydens die Interhoër Swem, hierdie nege leerlinge het medaljes verower, voor vlnr: Shandré van der Westhüyzen, tweedeplek Aflos Dogters O/16, Kruipslag en Wissel-aflos, Elrize Naude, tweedeplek Aflos Dogters O/16 en Renalda Odendaal, tweedeplek Vlinderslag en Aflos Dogters O/16. Tweede ry vlnr: Anzel Roux, tweedeplek Aflos Wisselslag Dogters O/16 en Ann Terblanche, tweedeplek Borsslag, Kruip- en Wisselslag Dogters O/16. Derde ry vlnr: Carl van der Merwe, derdeplek Borsslag Seuns O/16 en Lourens Boshoff, eersteplek Individuele medley, Rug- en Vlinderslag Seuns O/16. Agter vlnr: Hendrik du Plessis, derdeplek Kruip- en Vryslag Seuns O/14 en Hannes Holtzhausen, derdeplek Rugslag Seuns O/14.
THABAZIMBI – Die Interhoër Gala was verlede Saterdag 9 Oktober by HFM se swembad aangebied.
Skole soos Piet Potgieter, Ben Viljoen, Hans Strijdom en Warmbad het deelgeneem. Frikkie Meyer se swemmers het goed gevaar en nege leerlinge het medaljes op die dag verower. HFM het algeheel derde geëindig.
