Valentynsete met ’n Japanese geur by Khaya Kwa

Saterdagaand kon paartjies en vriende ’n heerlike Valentynsete by Khaya Kwa geniet met ’n voortreflike selfhelp Sushi-kroeg of ’n meer tradisionele driegang maal met ’n verskeidenheid van vleisgeregte.

Die Sushi was beslis die meer gewilde spyskaart en is keurig opgedien met ’n groot verskeidenheid Sushi geregte om van te kies en te keur.

Die alternatiewe-spyskaart van Beef fillet Tataki, Beef Takiyoki, Chicken Tsukune en Beef Terryaki is saam met jasmynrys bedien en kan beslis op sy eie herhaal word.

Die voorgereg op beide spyskaarte was Chicken Yakitori en is afgesluit met ’n heerlike aarbei nagereg, aangevul met ’n Mai Tai of Shirley Temple Skemerkelkie.
Gaste het weer ‘n slag heerlik tot toemaaktyd gekuier voordat hulle huiswaarts gekeer het.

Khaya Kwa is beslis die restaurant waarheen jy bietjie kan wegbreek met ’n heerlike speelterrein en klimraam om die kinders besig te hou.

This Week’s Special – Until 21 February 2021