Nog ‘n ou bekende oorlede

Roelof Lombard is op 20 Junie 2010 oorlede na ‘n lang siekbed weens komplikasies tydens ‘n operasie wat hy gedurende 2007 ondergaan het.

THABAZIMBI – Roelof Michiel Lombard is oorlede op Sondag 20 Junie 2010 na komplikasies wat ingetree het weens ’n operasie wat hy gedurende 2007 ondergaan het. In 2007 het dokters probeer om ‘n gewas te verwyder, maar in plaas van beter, het hy sieker geword weens kieme en viruses wat hy in die hospitaal opgedoen het.

Hy is aan veelvoudige orgaan disfunksie oorlede, as gevolg van hierdie toestand wat hy in die hospitaal opgedoen het. Meneer Roelof was sy hele lewe woonagtig in Thabazimbi, waar hy ook sy vrou, Adele ontmoet het en met haar getrou is in 1981, in die NG Kerk Thabazimbi. As ‘n opregte Thabazimbieër van ouds was hy by Kumba Thabazimbi werksaam as ‘n Senior Beplanner.

Die begrafnis was op Donderdag 24 Junie 2010 om 11:00 vanuit die NG Kerk Thabazimbi deur ds Johnny de Clerq waargeneem. Roelof laat sy vrou, Adele en drie kinders, Roelf, Theo en Nadia sowel as hul gades agter.