THABAZIMBI – Laerskool en Hoërskool kunsstudente, wat tans onder Petro van der Merwe se Petro’s School of Art skilder, spog met vele toekennings tydens LS Thabazimbi se Kunste Eisteddfod verlede maand.
Amy-Leigh Pretorius (7), is die jongste kunsstudent wat Petro in haar loopbaan ingeneem het. Amy-Leigh het begin by die basiese beginsels van potloodsketse, waarna sy gesigte geteken het totdat sy tans met olieverf as medium werk. Sy het ‘n A+ vir Teken verwerf by die Kunste Eisteddfod.
Monica Klopper, ook ‘n ywerige kunsstudent by Petro’s School of Art, is ‘n Gr 7 leerling by LS Thabazimbi. Sy het twee A++’e verwerf vir verf en twee A++ vir potloodsketse waarna sy ook ‘n medalje ingepalm het vir Beste kuns en verf.
Nog prestasies uit dié kunsskool is Numro Lategan se A++ vir verf en twee A+ vir potlood, Gerdri Eloff (HFM) het 2 A+’e vir potloodskets, 4 A+’e, 1 A, 1B+ en 1 A++ verwerf, Zelmarie Davel het 1 A++ (verf), 2 B’s, 2 A+’ en 1 A verwef, Rachel Boshoff het 1 B en 1A+ verwerf en Deidre van Staden het ‘n A+ verwerf.
Petro’s School of Art het tans 21 kunsstudente wat vanaf Dinsdae tot Vrydae vanaf 10:00 – 17:00 skilder. Almal is welkom om hul artistieke sy te kom ontdek.
Amy-Leigh Pretorius is die jongste student van Petro’s School of Art.
