Interessante feite van posduiwe

Photo by audreyjm529 (http://www.flickr.com/photos/audreyjm529/)

Posduiwe is spesiaal geteëlde duiwe van kransduiwe af en dus is daar deesdae so ’n groot verskeidenheid duiwe. Die posduif is al gebruik van die vroeë 1150 in Bagdad en toe later by Genghis Khan. Posduiwe het ook handig te pas gekom in die Eerste- en Tweede Wêreld oorloë as boodskap stuurders, dus die naam posduif.

Die duiwe se hokke was op skepe gehou vir nood boodskappe dat die skip raak geskiet is en besig is om te sink, dan stuur hulle die posduiwe na die naaste hulp met hulle koördinate in die boodskaphouertjie wat aan die duif vasgemaak is, om hulle te kom help en baie lewens is deur posduiwe se boodskappe gered. Daar is self ’n spesifieke bekende posduif, genaamd Cher Ami, wat gedurende die Eerste Wêreld oorlog ’n boodskap geneem het oor die vyand se grense, waar die posduif in sy bors en been geskiet is. Cher Ami het sy been verloor, maar hy het aangehou vir nog 25 minute om by sy bestemming te kom. Dié posduif is toe met die Franse ‘Croix de Guerre’ medalje vereer. Nog ’n posduif held is G.I. Joe wat tydens die Tweede Wêreld oorlog duisende Britse troepe gered het, nadat hulle hul posisies geneem het in ’n Italiaanse dorpie wat deur alliansie vliegtuie gebom sou word. G.I. Joe het binne 20 minute 20 myl gevlieg om by die vliegveld hoofbasis te kom, waar die vliegtuie klaar besig was om hulle enjins aan te sit.

Dié posduif is met die ‘Dicken’ medalje vereer vir braafheid. In 1860 het Paul Reuter, wat die ‘Reuters Press’ begin het, 45 posduiwe gebruik om nuus en aandeel pryse te stuur tussen Brussels en Aachen.

Duiwe was en is ’n goeie posdiens omdat hulle tot 80km per uur kan vlieg vir meer as 966km ’n dag en nog vinniger as dit in korter afstande gedeel word.

Duiwe moet dus goeie navigasie eienskappe besit om te keer dat hulle nie hulle vlerke moeg maak nie.

’n Studie wat oor 10 jaar uitgevoer is by die Oxford Universiteit, het bewys dat alle duiwe paaie gebruik om hulself te oriënteer. Die duiwe sal selfs by ’n T-aansluiting draai in die rigting waarin sy bestemming is. Ander teorieë is dat hulle met die aarde se magnetiese veld vlieg, op die uitkyk is vir visuele landmerke, met die son se hulp as kompas en infra-geluide, dit is baie lae frekwensie geluide wat mense nie kan hoor nie.

Duiwe lyk asof hulle bietjie stadig en bot is as hulle loop met hulle koppe wat voor- en agtertoe wieg, maar hulle het nodig om dit te doen omdat hulle nie drie dimensioneel sien nie, omdat hulle oë aan weerskante van hul kop sit. Hulle visie is mono-visueel, wat daartoe lei dat hulle nie diepte kan sien nie, hulle moet hulle koppe so beweeg om diepte te meet en dit help die duif om homself in die omgewing te oriënteer.

Gelukkig is hulle oë goed en kan die duiwe geleer word om geel en rooi lewensbaatjies te sien van mense wat in die see is. Hulle sien dit vinniger as mense as gevolg van die ultraviolet strale wat hulle kan sien, wat mense nie kan nie.

Duiwe is een van net ses voël spesies wat die spieël toets geslaag het, deur te konseptualiseer dat dit ’n refleksie is wat hy sien en nie ’n ander duif nie. Duiwe kan ook al 26 letters van die alfabet herken en hulle kan die verskille sien tussen mense en foto’s en ook mense herken.

Nou verstaan ek ook bietjie meer van posduiwe.

Inligting gekry by http://www.deterapigeon.com/21-amazing-facts-about-pigeons.htm