Wenners van Medhof Baba-en Kleuter Kompetisie by Skou aangewys

July 24, 2019 kwevoel

Die tyd het aangebreek vir die jaarlikse Thabazimbi Skou se Baba-en Kleuter Foto-Gala wanneer die wenners die rooi tapyt Saterdag 27 Julie vanaf 09:30 in die Trollope Saal sal betree.

Die Kompetisie word deur Medhof Apteek aangebied en foto’s vir inskrywings is deur Mari Engelbrecht in Medhof Apteek in Thabazimbi geneem.

Die tema vir die kompetisie was die “OSCARS” en aan oorspronklikheid het dit nie ontbreek nie.

Die wenners word uit verskillende kategorieë tussen die ouderdomme 0 tot 5 jaar aangewys. Die afnsy datum van ouderdomme is 27 Julie Saterdag 2019.

Soos gewoonlik is daar talle ongelooflike pryse in die vorm van nuttige geskenkpakke wat deur die borge van die kompetisie, hoofsaaklik verskaffers van Bibs & Babes Boutique en Medhof Apteek, geskenk word. Die ander borge is firma’s buite Thabazimbi en die foto-inskrywings is aan hierdie borge voorgelê om die kategoriewenners van die kompetisie aan te wys.

Tydens die prysuitdeling is daar heelparty gelukkige trekkings, ’n talentkompetisie en selfs ’n kompetisie-dans vir Ouma en Oupa, met of sonder die kleinkinders.

Vir die eerste keer word al die inskrywings wat aan die kompetisie deelneem nou in Kwêvoël geplaas.