Entertainment

Twee grotes vir die KunsteGrot

THABAZIMBI – Besprekings vir Heléne Bester se vertoning op 22 Oktober sowel as Manuel Escorcio se Kerskonsert op 19 November kan reeds gedoen word. Albei vertonings beloof om die gehoor te bekoor.

Manuel Escorcio is ‘n immer gewilde kunstenaar, Huisgenoot Skouspel Ikoon 2009 en ‘n afrigter in Supersterre 2010, terwyl Heléne Bester al die verhoog kon deel met bekendes soos Jak de Priester, Chris Chameleon en Juanita du Plessis. Sy’t al duette gesing saam met Jannie Moolman, Rina Hugo en Kurt Darren. Heléne het ook al vir drie jaar by die Huisgenoot Skouspel opgetree.

RiVo-Drama is ook weer elke Donderdag besig met eksperimentele groepdrama. Gr R tot 3 vanaf 14:30 en Gr 4 tot 7 vanaf 15:30 vir ‘n uur. Vir alle navrae en besprekings, kontak Rita by 083 7448559 of rivol@telkomsa.net.