‘n Kombinasie van opgeleide hansworse; ‘n verskeidenheid pragtige groot poppe en wonderlike musiek! Dit is die reaksie op die kinderteater wat die afgelope week in die KunsteGrot aangebied is.
Die kinderteater se wortels kan teruggevoer word na me Karien Viljoen, ‘n voormalige onderwyseres van Laerskool Platina wat ook drama gaan studeer het. Sy het by Laerskool Platina twee ander onderwyseresse, Esther Loots en Debbie van den Heever, by die drama betrek en die twee gaan sit agter die kinderproduksies waar hulle veral op morele waardes fokus.
Kinders van 3 tot 13 jaar en selfs ouer geniet die produksies wat aangebied word. Die kinders word betrek en word deel van die vertonings deur saam te speel en te dans!. Elke kind wat na die vertoning kyk wat aangebied word ontspan lekker en vergeet van al die sorge in die lewe en gee ook uiting aan al die emosies soos om lekker te lag en om net hulself te wees.
Die twee het al by verskillende skole; by die Pierneefteater in Pretoria asook in 2009 en 2010 by die “Claerhoutfees” in die Vrystaat deelgeneem.
By die “Eistedfodd” Kunswedstryd van die “Carpe Diem Dramaskool” het hulle ‘n uitstekende A+++ (100%) behaal. Een van die Hansworse, Cheeky (Debbie vd Heever) is tydens die Suid-Afrikaanse Dramakompetisie, wat gedurende April 2010 in Rustenburg aangebied is, gekies om as deel van die SA Span aan die Wêreldkampioenskappe in Amerika gedurende Julie 2010 te gaan deelneem.
Die kinderproduksie “Die Sirkus” was een van drie produksies wat by die Innibos-fees in Nelspruit (Mpumalanga) verlede jaar aangebied is.
