Ons lesers skryf – Pieter en die ander Kwêvoëls

‘n Hartlike bedanking van Northam VLU ( en nou ook die nuutgestigte Northam Solidariteit Helpende Hand-tak), vir die stiptelike plasings van ons berigte. Ook vir die spesifieke plasing op bladsy 3. Dit maak my ou rumatiekhande se werk soveel ligter as ek 3kopieë se berigte elke maand moet uitknip. Bl 3 van die Kwevoel behoort 1 keer per maand aan Northam! Ek sal eendag vir jul kom wys wat doen ons met die berigte.

Ek het die bul by die horings gepak, en bogenoemde tak op Northam gestig. As voorsitster is dit ‘n geweldige uitdaging om armoede aan te spreek, waar begin ‘n mens? My bestuur bestaan hoofsaaklik uit VLU-dames, en ons sal sover moontlik die berigte gesamentlik plaas. Byvoorbaat dank vir die plasing.

Weereens ‘n groot dankie, en ek bid jul ‘n mooi week toe.

Groete,
Mari Meintjes – Skakelbeampte – Northam VLU