THABAZIMBI – Mammas kan maar regstaan om die kinders vanaf Maandag 28 Junie na die KunsteGrot, wanneer die eerste van die kinderproduksies op die planke gebring word, te bring.
Vir die hele week vanaf 11:00 tot 12:00 word elke dag ‘n ander produksie aangebied.
Toegang is R30 per persoon en ouers wat so verkies kan ook teen dieselfde prys die opvoerings saam met die kinders geniet.
Die program sien as volg daaruit:
- Maandag – 28 Junie: Die Boelie
- Dinsdag – 29 Junie: Die Sirkus
- Woensdag – 30 Junie: Vakansie is lekker!
- Donderdag – 1 Julie: Trysie die Volstruisie se verlore eier…?!!
- Vrydag – 2 Julie: Driekie het verjaar!
Almal is welkom. Vir navrae, kontak Rita by 083 7448559 of Esther by 082 8768463
Besprekings is ook reeds oop vir die volgende optredes:
- 28 Augustus – Skitterende Navi Redd op planke
- 8 September – Die ongelooflike duo, Rudi & Corlea, in die Laerskoolsaal
- 22 September – Blackie Swart, een van ons veelsydigste kunstenaars, hy toor met ‘n kitaar!
Kontak Rita by 083 7448559 en bespreek solank jou sitplek.
