Medhof gee om vir die bejaardes

Medhof se leuse van “Ons sorg vir jou en jou familie” is nie net tot medisyne beperk nie. Vanjaar leef hulle dit uit om baie verder te strek.

Met die winterkoue en donkerte wat nou vroeg begin toeslaan, voor die sepies op TV begin draai, het Medhof Apteek dit goedgedink om lekker snoesige warm kniekombersies aan die inwoners van Bosveld- en Sonskynoord te skenk om te verseker dat hulle nie vroeër hoef in te kruip nie en steeds hul geliefde sepie kan kyk.

Met die volledige kliniekdienste van bloeddruk neem, bloedtoetse en algemene gesondheidondersoeke wat hulle bied, nooi Medhof Apteek jou persoonlik uit om hiervan gebruik te maak as voorkomende maatreël voordat jy dalk onnodige uitgawes op jou medies maak wat die fonds dalk gaan uitput.

Vind meer uit hieroor by Medhof Apteek Thabazimbi

Byskrif Lokfoto: Danie en Driansu van Medhof Apteek Thabazimbi oorhandig persoonlik Woensdag 12 Junie die 45 kombersies by Bosveld Oord vanwaar die verspreiding daarvan onder die inwoners verder geneem is.