Beste Dogterswemmer in Limpopo uit HFM Span – nuwe spanfoto

Kristin Lottering van Hoërskool Frikkie Meyer se swemspan, is tydens die Limpopo Skole Swemkampioenskappe as die beste dogterswemmer in Limpopo aangewys.

2019 - 4 Feb HFM Swemspan
Die swemspan van Hoërskool Frikkie Meyer wat ingeskryf het vir die Limpopo Skole swemkampioenskappe is op die foto van links agter Xander Steenkamp, Marnus Barnard, Heinrich Barkhuizen en Tristan Brits, Voor: Lene Lategan, Kristin Lottering, Leili Steenkamp, Kian Coetzee en Quinten Steenkamp. Links agter saam met hulle op die foto is Frank Lottering, afrigter. Afwesig op die Foto: Cara Pieterse.

Die Limpopo Skole Swemkampioenskappe 2019 is op 1 en 2 Februarie te Pietersburg aangebied en die tien swemmers van HFM wat deelgeneem het, het puik gevaar.

Kristin Lottering neem deel aan agt items. Sy verwerf agt goue medaljes en verbeter die rekords van al agt die items. Sy word ook as die beste dogterswemmer in Limpopo asook die Senior Victrix Ludorm tydens die geleentheid aangewys.

Tristan Brits swem sewe items en verwower vier goue medaljes, een silwer en een brons.

Cara Pieterse, Quinten Steenkamp en Leili Steenkamp verower elk ‘n brons medalje.

2019 - 4 Feb HFM Swem foto
Die lede van HFM se swemspan wat tydens die 2019 Limpopo Skole Swemkampioenskappe medaljes losgeswem het saam met personeel en die afrigter. Van links agter mnr Pierre Van Jaarsveld – HFM Sport organiseerder, Cara Pieterse, Quinten Steenkamp, Tristan Brits en regs: Frank Lottering – afrigter. Voor me Michelle Johnston – HFM swem organiseerder, Leili Steenkamp en Kristin Lottering.