Die Thabazimbi Gholfklub het op 8 Desember hulle jaarlikse afsluiting met Gekkedag, asook die jaarlikse prysuitdeling aangebied.
Soos gewoonlik was dit ’n snikheet somersdag wat byna uitgereën het.
Gekkedag het die formaat van ’n IPS oor 18 gaatjies aangeneem met die beperking dat deelnemers slegs twee stokke en ’n putter vooraf moes kies om die baan mee aan te durf.
Die dag is deur Cornelis van Wyk gewen. Tydens die geleentheid is die onderskeie trofeewenners deur die jaar ook aangekondig en is die dag met ’n gesellige ete afgesluit.
Esmé Behrens is aangewys as die klub se Zero-voorgee kampioen. Op die foto ontvang sy haar trofee by Louise van Graan. Esmé was ook die Derek Torlage algehele wenner.
Ané Sauermann het die tweedeplek ingeneem in die dames-enkelsputjiespel kompetisie. Op die foto ontvang sy haar prys by Louise van Graan.
Die wenner van die dames-enkelsputjiespel kompetisie was Marina van der Wateren. Op die foto ontvang sy haar prys by Louise van Graan, Dameskaptein van Thabazimbi Gholfklub.
Die Interaksie derdeplek wenners, Nico van der Wsethuizen en Vollie Volschenk (op 86 die oudste aktiewe lid van Thabazimbi Gholfklub), ontvang hulle prys by die organiseerders, Luzaan Combrink en Riekus de Wet.
Tydens die Interaksie spankompetisie het die span van die Wise Monkeys tweede geëindig. Die span het bestaan uit van links Luzaan Combrink, Riekus de Wet, Esmé Behrens en Jakkie van der Wateren saam met Jan van Graan (Klubkaptein).
Die interaksiespanwenners was die Sages van Skobol Swanepoel en Tom Muller. Hulle was ook die parewenners van dieselfde kompetisie. Op die foto is die organiseerders van die kompetisie Luzaan Combrink en Riekus de Wet saam met Skobol Swanepoel (links) en Tom Muller (middel – langs Luzaan).
Ané Sauermann, links en Cornelia Wolmarans ontvang hulle prys as plekwenners tydens die Gekkedag.
MG van Greuning en sy familie het die einde van verlede jaar na Ballito baai aan die Noordkus van Natal verhuis. Tydens die funksie is daar ook van hom afskeid geneem. Op die foto is hy saam met Jan van Graan wat aan hom sy afskeidsgeskenk oorhandig het.
Die tweedeplek wenners in die mans pareputjiespel was Isaac Sepolwana (foto) en Janré Combrink (afwesig) wat hul prys by Erich van Rooyen ontvang. Janré Combrink was ook die wenner van die mans-enkelsputjiespel kompetisie.
Die Gekkedag-wenner was Cornelis van Wyk wat op die foto sy prys van Jan van Graan ontvang.
Die ontwikkelingspelers van die jaar was van links: Isaac Sepolwana en John Sikwane. Saam met hulle op die foto is die klubkaptein, Jan van Graan.
