R5.6M vir Thaba Manzi wildveiling

BELA-BELA – Die Thaba Manzi Wildlife Services wildveiling het Saterdag 2 November te Thaba Manzi plaasgevind.

Die teeldiere in boma het die volgende gemiddelde prys per dier behaal: 27 blouwildebeeste teen R5382, 3 kameelperde teen R14000, 45 koedoes teen R4120, 5 njalas teen R24000, 90 rooibokke teen R2114, 7 sebras teen R4500, 2 seekoeie teen R40000, 7 volstruise teen R3100 en 33 waterbokke teen R2745. Die manlike diere het die volgende gemiddelde pryse behaal: 1 basterhartbees teen R10000, 13 blouwildebeeste teen R2615, 1 volwasse eland teen R12500, 12 volwasse koedoes teen R20958, 5 njalas teen R17500, 3 volwasse rooibokke teen R2700, 1 volwasse swartwitpens teen R36000 en 8 volwasse waterbokke teen R11969.

Die omset per bomaveiling was R1.44215 miljoen.

Die katalogusveiling het die volgende gemiddelde prys per dier behaal: 10 basterhartbeeste teen R17000, 5 buffelverse teen R200000, 2 volwasse buffelbulle teen R65000, 8 jong buffelbulle teen R40250, 3 dragtige buffelkoeie teen R310000, 2 witrenosterkoeie teen R61000, 1 jong witrenosterbul teen R175000 en 1 swartrooibokram teen R295000. Die omset per katalogus wild was R4.242 miljoen

Die totale omsetwas R5.68415 miljoen.

Neil Swart van Vleissentraal Bosveld was die afslaer.

 

Die koedoebul wat vir R76000 opgeveil is.