Kunstenaars word vereer vir hul vaardigheid

THABAZIMBI – Die kunstenaars van Petro’s School of Art and Gallery is op Vrydag 1 November vereer vir hulle kunswerke waaraan hul deur die jaar meesterlik geskilder het. ‘n Groep van sowat 30 kunsstudente het hulle sertifikate ontvang gedurende die besonderse geleentheid by Villa Toscana Gastehuis.

Die groep, almal opgetooi soos ‘n wafferse Picasso, met snor en al, het hul toekennings met groot afwagting ontvang. Die beoordeling is deur Driansu van der Nest en Surika Rabé behartig. Die kunsskool spreek ‘n woord van dank aan hul vir hul tyd en opofferings met die beoordeling. Dit was die tweede jaar dat die prystoekennings aangebied is. “Met baie uitdagings en groei gaan die School of Art skuif na ‘n groter gebou net om die hoek,” het Petro van der Merwe, eienares en kunstenaar aan Kwêvoël gesê.

Die groep kunsstudente het almal meriete (A+++) vir hulle kunste ontvang, agter vlnr: Monica Klopper en Gerdri Eloff. Middel: Bianca de Kock, Amyleigh Pretorius en Jadon Janse van Rensburg. Voor: Theunsina Willemse, Petro van der Merwe (kunsafrigter) en Ronnie Stow. Afwesig: Anita van Deventer, Nici Morton, Mathilda Brookhuizen, Caren Pretorius en Nimroe Lategan.