THABAZIMBI – Danksy die heerlike weertoestande, kon hengelaars tydens Thabazimbi Hengelklub se maandelikse kompetisie op 6 April, redelike groot visse uitkatrol.
Die kompetisie is by Henk Schutte se dam aangebied. Jan Botha het ‘n barber van 5.46kg gevang, terwyl Piet Bezuidenhout ‘n barber van 6.495kg asook ‘n karp van 7.00kg ingekatrol het. Die klub wens die hengelaars geluk met hulle vangste.
Die verskillende afdelings se mans wenners was: Senior Mans – Swaarste sak: Piet Bezuidenhout (eersteplek), Angelo Loots (tweedeplek) en Jan Bender (derdeplek). Die Junior Swaarste sak afdeling wenners: Deon Bender (eersteplek), Etienne van Staden (tweedeplek) en André van Staden (derdeplek).
Penkoppe – Swaarste sak: PG Bezuidenhout (eersteplek), Tommy Swanepoel (tweedeplek) en Johan Coetzee (derdeplek).
Die volgende kompetisie gaan moontlik by Verdrag plaasvind gedurende die naweek van 18 Mei, hou gerus die pers dop vir verdere inligting. Jood se Dam is tans nog gesluit tot verdere kennisgewing.
Piet Bezuidenhout met sy barber van 7kg.
