Oranje strikkies vir renosters

Luzaan Combrink met haar Oranjestrikkie.

THABAZIMBI – Vrydag 20 April is deur die Happy Feet-organiseerders as Oranjestrikkie-dag benoem om teenkanting te toon teen die genadelose renosterstropery wat landwyd toeneem.

Luzaan Combrink nooi maatskappye, besighede en die gemeenskap uit om by die projek betrokke te raak deur ‘n oranjestrikkie teen R10 aan te koop en dit op Vrydag 20 April te dra. Al die fondse wat deur die projek gegenereer word, word direk oorgeplaas aan die African Conservation Trust. Kontak Luzaan by 082 593 7084.