Gholf eerste liga wedstryd

Die gholfspelers van HFM, voor vlnr: Zander Azar en Henno Jordaan. Middel vlnr: Amri Schlebusch, Jannie van Graan, Benhard van Rensburg en Clemens Steenkamp. Agter vlnr: Mnr Ryno Visser, Wynand Lourens, Reagan Herholdt en JM Erasmus (kaptein). Afwesig: Jaco Jacobs, Armand Azar en Heinrich Penzhorn.

THABAZIMBI – Die gholf liga het weer aangebreek vir HFM en die gholfspan se eerste wedstryd tuis was teen Heuwelkruin van Polokwane.

HFM skryf A, B en C-liga spanne vir die jaar in. Die spelers was baie opgewonde en gereed vir die dag se gholf. Alhoewel Heuwelkruin ‘n uur laat was, het dit nie die seuns se moed gebreuk nie en almal het goeie gholf gespeel, en wen al drie wedstryde. Slegs een individuele wedstryd is verloor. Die uitslae is: A-liga: HFM wen 4-0, B-liga: HFM wen 3-1 en C-liga: HFM wen 4-0. Die spelers word geluk gewens met die goeie prestasie. Daar word uitgesien na ‘n baie goeie gholfjaar en goeie seisoen wat voorlê. Die volgende wedstryd is Vrydag te Warmbad.