Weerlig tref woning – niks gered nie

Die magrietjies is die enigste getuienis van lewe nadat die grasdakwoning se dak aan die brand geslaan het nadat dit deur weerlig getref is.

NORTHAM – ‘n Grasdakwoning te Wildebeeslaagte by Northam is Vrydag 13 Januarie 2012 totaal in puin gelê nadat dit deur weerlig getref is.

Mnr Flip en me Gerda Ernst het aan Kwêvoël vertel dat hulle besig was om uit die huis te verhuis. Hul besittings was reeds uit die huis na die aangrensende motorhuis verwyder om plek te maak vir die nuwe inwoner. ‘n Donderstorm het die middag opgesteek en weerlig het die grasdakhuis getref.

Skade beloop sowat R300 000. Niks kon gered word nie en al hulle besittings wat in die garage was het saam met die huis uitgebrand.