Senior burger ry in taxi vas

Die taxi wat op sy sy gerol het (hooffoto) nadat dit 'n Toyota Condor getref het. Die ongeluk het op die hoek van Bergstraat en Vierdelaan plaasgevind.

THABAZIMBI – ‘n Motorongeluk tussen twee voertuie het op Woensdagoggend 7 Desember omstreeks 11:00 op die hoek van Vierdelaan en Bergstraat plaasgevind.

Die bestuurder van ‘n rooi Toyota Condor het volgens Thabazimbi Polisie nie gestop by die stopstraat nie en sodoende voor ‘n aankomende taxi, wat 14 passasiers vervoer het, ingery.

Die taxi was onderweg van Eerstelaan af na die sentrale besigheidsentrum en het met die impak op sy sy geval en afgeskuur tot by Sesdelaan. Die insittendes het slegs ligte beserings en is almal na Thabazimbi Staatshospitaal vervoer. Die bestuurder van die Toyota Condor, ‘n senior burger van Thabazimbi, is ook met ligte beserings opgeneem.

‘n Saak van Roekelose en Nalatige bestuur is teen die bestuurder van die Toyota Condor geopen.

Toyota Condor