Raadslid in hof oor beweerde verkragting

THABAZIMBI – ‘n ANC raadslid van Thabazimbi Munisipaliteit het vandeesweek in die Thabazimbi hof verskyn op aanklag van beweerde verkragting.

Dit volg sowat ‘n maand na die 16-dae van aktivisme teen geweld en misdaad teenoor vroue en kinders wat jaarliks dwarsoor die land deur die regerende party geloods word.

DA raadslede is ontstoke en dring daarop aan dat die raadslid onmiddellik geskors word totdat die saak afgehandel word. “Watter voorbeeld word daar deur hierdie publieke figuur gestel as hy ‘n dame kan verkrag en net voortgaan met sy werk asof niks gebeur het nie. Verkragting is ‘n kriminele oortreding.” So het ‘n DA raadslid vandeesweek aan Kwêvoël gesê.

Die ondersoek duur voort.