R510 eis steeds lewens

Die Toyota Run X en groen Tazz wat ook in die ongeluk betrokke was.

NORTHAM – ‘n Ongeluk op Vrydag 25 November 2011 op die R510 ongeveer 10km voor Northam het die lewe van nog ‘n persoon geëis.

Die dodetal op dié pad vir die afgelope maand staan reeds op 18.

Volgens Northam Polisie het die enjinklap van mnr Luther Lombaard (32) se rooi Toyota Tazz in die ry oopgeruk en sy visie beïnvloed. Dit het veroorsaak dat die Tazz teen die kant van ‘n aankomende vragmotor gestamp het. Twee addisionele voertuie, ‘n wit Toyota Run X en ‘n groen Tazz het met dié van Lombaard gebots. Hy is op die toneel oorlede. Die ander twee bestuurders het ook beserings opgedoen, maar is stabiel.

Lombaard se roudiens word op Saterdag 3 Desember om 14:00 vanuit die Evangelie Kerk te Swartklip deur Dominee Willie Olivier gehou.

Sy ouers, sussies en vriende betreur sy afsterwe.

Foto’s verskaf deur Hennies Panelbeaters en Chantell Saunders.

Die ongelukstoneel op Vrydag 25 November net voor Northam.