ATKV Gholfdag om die draai

THABAZIMBI – Die ATKV-tak Thabazimbi bied op Saterdag 4 Februarie ‘n ATKV-Gholfdag by Thabazimbi Gholfbaan aan.

Inskrywings vir dié Beterbal in pare-kompetisie, sluit reeds 2 Februarie. Die Inskrywingsfooi beloop R100 per speler en sluit vooraf se koffie en toebroodjies, aandete en aantreklike pryse in. Gaste is welkom vir aandete teen R50 per persoon.

Die kompetisie word aangebied ten bate van die Tambotie Bejaardesorg. Kontak Louise by 082 337 2402 of Charlie by 083 622 6633 vir meer inligting.