Thaba Flyers skop af met Sprint Gala

Die swemmers wat aan die Tzaneen Sprint Gala deelgeneem het, voor vlnr: Nathan Keany, Liandi Pienaar, Anmarie Schutte, Wilmien Schutte, Lourens Boshoff, ZW Pienaar en Michaela Keany. Agter vlnr: Nikky Keany, Johan Bezuidenhout, Hendrik du Plessis, Nesta Schutte en Sonja Bezuidenhout.

POLOKWANE – Gedurende die naweek van 4-5 November het Thaba Flyers Swemklub 11 swemmers gehad wat aan die Tzaneen Sprint Gala in Polokwane deelgeneem het.

Hierdie was die swemmers se eerste gala van die seisoen en het hulle nieteenstaande puik presteer en almal goeie tye geswem. Altesame is daar ses medalje gewen. Nesta Schutte wen drie brons vir 50m Rugslag, 50m Borsslag en 50m Vryslag en verower derdeplek in O/15’s Gala. Johan Bezuidenhout wen brons vir 50m Vlinder en 50m Rugslag. Anmarie Schutte wen brons vir 50m Borsslag.

Die medalje wenners tydens die Tzaneen Sprint Gala, vlnr: Johan Bezuidenhout, Anmarie Schutte en Nesta Schutte.