Oupa vier 85ste

THABAZIMBI – Oom Org Ehlers is op 23 November 1926 in Heystekrand (Pilansberg) area gebore.

Op 19 jarige ouderdom het hy saam sy ouers en suster begin boer op Karoobult, Koedoeskop. Hy was ‘n suksesvolle boer vir 59 jaar en het groot trots gehad vir sy waatlemoene en spanspekke. Saam met sy vrou Tannie Joey het hy ook 30 jaar lank  die gemeenskap gedien deur die kinders van Laerskool Koedoeskop te vervoer.

Oom Org en Tannie Joey was 56 jaar getroud. Sy is op 6 Oktober 2011 aan kanker oorlede en sou 24 Desember vanjaar hul 57 jarige huweliksherdenking gevier het. Oom Org het 4 kinders, 11 kleinkinders, 6 agter-kleinkinders (sover).  Hy en Tannie Joey het in 2004 Thabazimbi toe getrek, waar hy steeds woonagtig is.

Sy familie en vriende wens hom ‘n gelukkige 85ste verjaardag toe, en hoop dat hy verder gese‰nd sal wees in die jare wat voorlˆ.  “Ons is baie lief vir Oupa!”

Oom Org (85) en tannie Joey Ehlers.