Obaro en Boernor bied suksesvolle veiling aan

Mnr Roelf Furstenburg van Koedoeskop het die hoogste bod geplaas op ‘n Simbra by die jaarlikse Bulveiling.

NORTHAM – Die jaarlikse Bulveiling, wat by Northam se veilingskraal aangebied is op 4 November 2011 was weereens ‘n groot sukses.

Obaro en Boernor, in samewerking met Vleissentraal het die veiling aangebied by die opgeknapte Northam Veilingskraal. Daar is ongeveer 21 bulle van uitstaande gehalte opgeveil en Mnr Roelf Furstenburg van Koedoeskop het die hoogste bod geplaas op ’n Simbra bul van Falcon Conservation Trust, die bul is vir R36 000 opgeveil. Daar is ook groot groepe verse, kalwers en koeie opgeveil. Falcon Conservation Trust was die grootste verkoper van die dag en Eon en Bert van Aarde van Dwaalboom het die meeste beeste aangekoop op die veiling. Obaro en Boernor wil graag almal bedank vir hulle bydrae en ondersteuning wat van die dag ’n groot sukses gemaak het. Daar word elke Woensdag en Vrydag veilings aangebied by die Northam veilingskraal. Kontak Ockie Goosen by 082 808 2479 vir inligting.