KunsteGrot borrel in 2012

THABAZIMBI – 2011 is vinnig op pad na die eindstreep. Volgens Rita Volschenk van die KunsteGrot was dit ‘n vol jaar en bedank sy graag al die getroue ondersteuners sowel as borge, “mag ons saam ook die nuwe jaar vol vertroue tegemoet gaan.” Sê sy.

Die jaar begin op ’n hoë noot op 12 Januarie met ’n heerlike wynproe en Kunsuitstalling. Die landskapskilder en natuurfotograaf Gerrit Pitout se werke kan besigtig word tot Saterdag 14 Januarie. Dié geleentheid is spesiaal om nuwe borge en donateurs aan boord te verwelkom en almal te bedank.

Pick n Pay en Thaba Tholo word ook hartlik bedank. Met hulle hulp kan die KunsteGrot se deure vir nog ‘n jaar wa-wyd oop bly. Ook Bertie Joubert en Dr Andries Buys asook die anonieme donateur wat gesorg het dat ons 2011 enduit kan sien, word opreg waardeer.

Trek nou die nuwe dagboek nader en omkring die volgende datums vir die eerste ses maande met rooi. Hou Kwêvoël dop en bespreek vroegtydig. So kan elkeen help dat daar vir die gemeenskap net kwaliteit vermaak op die planke gebring word.

25 Februarie – Elsabé Zietsman met Dis koue kos skat; 20 Maart – Chris Chameleon

April – Toneelweek met RiVoToneel – 3 komedies; 26 Mei – Grafsteensangers en 23 Junie – Navi Redd.

Vir alle navrae en besprekings, kontak Rita by 083 7448559 of rivol@telkomsa.net Volg ons op Facebook/KunsteGrot.