Kom loer in by “Da 1 Store”

Promosie Artikel

Die vriendelike personeel van “Da 1 Store” in die Standard Bank Sentrum, vlnr: Corry Sprinkhuizen (eienaar), Clementhy Annandale en Ephesia Moalosi nooi die inwoners van Thabazimbi uit om hul nuwe winkel te besoek.

THABAZIMBI – Die Bosveld het ‘n besonderse winkel ryker geword met die opening van “Da 1 Store” in die Standard Bank Sentrum op Donderdag 24 November.

Mnr Corry Sprinkhuizen, eienaar van “Da 1 Store”, al die pad van Bapsfontein, het met Kwêvoël gesels oor die aard en doelwit van sy unieke winkel. Volgens Spinkhuizen wil hy ‘n breë mark bereik deur die verskeie items in “Da 1 Store”. Soos die naam ook aandui, is daar allerlei items op die rakke, van tuingereedskap tot babaprodukte. Die pryse is ook uiters kompeterend en vele spesiale aanbiedings word oor die Kersseisoen aangebied.

In die een gedeelte van “Da 1 Store”, is die allerfraaiste skoolbanke vir die jongspan en word verkoop vanaf R380 per skoolbank. Verstellings aan die bankie se planne is ook moontlik sodat dit eerder ‘n eetbankie vir ‘n peuter kan wees. Kindersport speelgoed vanaf R35 is in oorvloed, ook goedkoop, kwaliteit plastiekware, kinderstoeltjies (R35), sonkrag tuinliggies (vanaf R50), tuingereedskap, tuinslange (R100 vir 20m), Kirkwood braaitoerusting en braairoosters (vanaf R80), tuinbankies vir die jongspan en La Gio Bella badkamer bykomstighede vanaf R120. ‘n Groot besending babaprodukte word Maandag verwag met groot name in die industrie, soos Nuk en Angel Care wat hul verskyning op die rakke sal maak.

Vir die nabye toekoms word ‘n biltonghoekie met wilds- en beesbiltong, kabanossies en droëwors beplan, asook ‘n roomys en koeldrank gedeelte wat almal in die warm Sentrum kan lawe.

“Da 1 Store” se besigheidsure is Maandae – Vrydae 08:00 – 17:00 en Saterdae 08:00 – 12:00. Die winkel is gesluit op Sondae en Openbare vakansiedae. Hierdie “algemene” winkel, is beslis nie alledaags nie, kom maak gerus ‘n draai en bring maar genoeg kontant saam…