KANSA by Strewe Vroue Landbou Unie

Emelia Ras bedank suster Tryna Verwey, M Nel (streekbestuurder) en Esti Heese (bemarker) vir die leersame praatjie en heerlike oggend tydens die VLU vergadering.
Die VLU Strewe verjaarsdag van die maand: Nadine Els wens Zelda Lombard, ‘n gas, geluk met haar verjaarsdag.

MAKOPPA – Die Strewe VLU tak het op Woensdag 12 Oktober ‘n vergadering op Dwaalboom gehou.

Ter viering van Borskanker bewustheidsmaand, het KANSA die dames toegespreek en ook ‘n papsmeer kliniek gehou. Suster Tryna Verwey het die mites maar ook gevaartekens van kanker uitgewys.

Die dames het ontsettend baie geleer en later heerlik saam gekuier. Die volgende vergadering is op 21 November wanneer die “koek genie” hulle op hul jaarafsluiting besoek om hul koekversiering te demonstreer. Alle belangstellendes kan Ilna Schutte kontak by 0827748803.