Laerskool Netbal aangewys as Area wenners

Op die foto is die O/11A netbal span van Laerskool Thabazimbi, agter vlnr: Anica Jordaan, Kayla Jonker en Anke Wentzel. Voor vlnr: Irene Marais, Rhoné van der Merwe en Nika Bester.

BELA – BELA – Laerskool Thabazimbi  se netbal dogters het verlede Donderdag 19 Mei, aan baie belangrike ligawedstryde deelgeneem wat by Laerskool Warmbad aangebied is. Die deelnemende skole was Laerskole Warmbad, Nylstroom en Thabazimbi. Die O/11A, O/12A, O/13A en O/13B -spanne is aangewys as die Area wenners en sal eerskomende Saterdag 28 Mei deelneem aan die Streekskampioenskappe wat op Pietersburg aangebied sal word.