WARMBAD – Twaalf nuwe rekords is opgestel met HFM se deelname aan die streeksbyeenkoms verlede Saterdag 19 Februarie.
Die skole wat deelgeneem het was Palala, Bakenberg Mahwelereng en HFM.
Agt en vyftig atlete het deelgeneem en 12 rekords is verbeter. Die O/14 seuns wat rekords verbeter het was Kgotso Sekoboane (100m), Z W van Deventer (diskus), Peter Malapane (100m- en 300m hekkies) en Ryno Dumond (hoogspring). Ander atlete wat ook rekords laat spat het is Armand Davies (O/15 300m hekkies), Melvine Booysen (O/16 400m), Nadine Prinsloo (O/16 400m hekkies), Tanya Marais (O/16 200m), Leandri Botha (O/16 diskus), Leonette van Rensburg (O/19 driesprong) en Glenize van Rooyen (O/19 200m).
