General

25 Kleuters besoek tronk

kwevoel
Die kleutertjies van Ladies en Laaities is vergesel na ‘n tronksel tydens hul besoek aan die Polisiestasie op Vrydag 23 Julie. Na die aanvanklike skrikkerigheid gou verdwyn het, kon hulle nie wag vir ‘n kans om agter die groot tralies te staan nie.

Die Eendjie- en Kameelperdjieklasse van Ladies en Laaities dagsorg het Vrydag, 23 Julie by Thabazimbi Polisiestasie gekuier. Tannie Karlien (me K Greeff), Oom Herman (Adjudant Offisier H Joubert) en Tannie Moshira (Konstabel ME Lekalakala) het hul die nodige noodnommers aangeleer asook die verskillende toerusting gedemonstreer waarmee die Suid-Afrikaansie Polisiediens die boewe vang. Die seuntjies het ondermeer die “gunne” wat ten toon gestel is die meeste geniet.