Wildveiling te Polokwane

POLOKWANE – Vleissentraal Bosveld het as afslaers opgetree op 20 Maart by die eerste hok wildveiling wat aangebied is deur Pride of Africa wat behoort aan Ruaan Fuchs. Dit was maar die begin van die seisoen en die kalwers en lammers nog betreklik jonk en daar was ook nie ‘n groot aanbod van diere nie. Die wild wat aangebied was, was egter in ‘n baie goeie kondisie en die hoogtepunt van die veiling was Kameelperde wat verkoop was vir R19000 stuk en R7900 stuk vir Elande. Ander wild wat op die dag verkoop is se pryse was soos volg. Elf Blouwildebeeste met ‘n gemiddelde prys van R1755 en die hoogste prys R1800. Veertien Elande met ‘n gemiddelde prys van R7500 en die hoogste prys R7900. Vier Kameelperde met ‘n gemiddelde prys van R19000 wat dan ook die hoogste prys was. Nege Kudus met ‘n gemiddelde prys van R2600 wat ook hul hoogte prys was. Agt en sestig Rooibokke met ‘n gemiddelde prys van R763 en hoogste prys van R850. Veertien Rooihartebeeste met ‘n gemiddelde prys van R4350 en die hoogste prys R4400. Ses Sebras met ‘n gemiddelde prys van R4667 en die hoogste prys van R5000. Twee volstruise is ook vir R1800 elk opgeveil. Die pryse vir die manlike diere het bietjie verskil en was soos volg. Sewe Blouwildebeeste met ‘n gemiddelde prys van R2972 en die hoogste prys R3500. Negentien jong split Blouwildebeeste met ‘n gemiddelde prys van R3205 en die hoogste prys R3250. Een Gemsbok teen R5500, een Kudu teen R5250. Drie jong Njalas teen R6750 elk, nege Rooibokke teen R1245 elk en die hoogste prys R1300. Een Waterbok met ‘n prys van R8000. Die totale omset vir die dag het R504 825 beloop en die afslaer vir die dag was Willie Roux van Vleissentraal Bosveld wat in Potgietersrus geleë is.