Stylvolle aftree oord vir Thaba

THABAZIMBI – ‘n Nuwe ontwikkeling genaamd die Everglades aftree-oord, sal in die volgende paar maande sy verskyning in Thabazimbi maak nadat die Carenet-groep die bosveld vir hierdie besonderse aftree-oord gekies het.

Ter viering van hierdie groot eer wat Thaba te beurt geval het, het ERA en Montane Eiendomme, wat hierdie ontwikkeling in samewerking met die Carenet groep gaan bemark, ‘n bekendstellingsaand op Donderdag 18 Februarie by die ERA perseel gehou. Die gaste, vanuit verskeie oorde in Thabazimbi en omgewing, het die werking, uniekheid en bykomende inligting van hierdie ontwikkeling eerstehands by die betrokke kenners ontvang.

Carenet verteenwoordig ‘n innoverende model wat lewenslange versorging van ouer persone voorsien wat in die Carenet aftree-oord woon. Die Carenet model is spesifiek ontwerp vir die volle spektrum van behoeftes vir ouer persone wat graag nog ‘n onafhanklike lewensstyl wil handhaaf met kwaliteit versorgingsdienste. Die versorgingsmodel maak voorsiening vir al die vlakke van versorging, ondersteunende lewenswyse, tuiste gebaseerde versorging sowel as terminale verswakte versorging. Inwoners in Carenet geaffilieerde oorde sal die unieke voordele om in hul eie tuistes te woon geniet vir so lank moontlik, terselfdertyd sal hul met ‘n geruste gemoed weet dat die beskikbaarheid van die terminale verswakte versorging daar is wanneer dit dalk eendag nodig word.

Met toenemende druk en onsekerheid in verband met versorgingsdienste vir ouer persone in Suid-Afrika, bied Carenet ‘n volhoubare lewenslange versorgingsplan aan. Carenet is gekoppel aan al die sleutel aandeelhouers wat veroudering aanbetref en word herken in SA as die versorgingsmodel van die toekoms.

Vir meer besonderhede skakel ERA Eiendomme by 014 772 2628 of Liezie by Montane Eiendomme by 082 893 4208.