Goeie uitslae vir Laerskool Thaba
THABAZIMBI – Laerskool Thabazimbi het met goeie uitslae huis toe gekom met hulle onlangse deelname aan die kringbyeenkoms.
Die uitslae was as volg: Een eersteplek vir Verspring, vier eersteplekke vir Gewigstoot, een tweedeplek vir Hoogspring, twee eersteplekke vir Hekkies, een eersteplek vir 60 m en een eerste- sowel as tweedeplek vir 100m.
Eerskomende Saterdag, 20 Februarie gaan die leerlinge wat eerste- en tweedeplekke behaal het in die kringbyeenkoms, aan die streeksbyeenkoms wat gehou sal word by Laerskool Eugene Marais te Naboomspruit deelneem.