Jan Fourie verlede naweek oorlede

THABAZIMBI – Oom Jan Fourie (69jr) is op Saterdagmiddag 30 Januarie 2010 oorlede.

Oom Jan was werksaam by TPA Paaie Thabazimbi en was vir drie dekades ‘n inwoner van Thabazimbi. Sy heengaan word diep betreur deur sy eggenote Annetjie en kinders Elsie, Eddie en Annelise, sy vriende en ook familie.

Die familie bedank graag almal se gebede en bystand en ‘n besonderse dank aan drs Pieter en Anel de Kock en dr Bester asook Curamed Personeel se bystand en flinke diens.

Die gemeenskap neem finaal van oom Jan afskeid op Vrydag 5 Februarie wanneer hy om 11:00 vanuit die AP Kerk Thabazimbi begrawe word.