Dwaalboom inwoner skielik oorlede

DWAALBOOM – Allen George Cunningham, oud inwoner van Dwaalboom is op Dinsdag 24 November onverwags oorlede.
Allen (59jr) was tot sy sterfdag werksaam by Beumer Vervoer. Sy heengaan word betreur deur sy eggenote, Pat, twee kinders Berneace en Gareth, skoonseun Louis Liebenberg, familie en vriende wie hom altyd sal liefhê.

Die begrafnisdiens is vandag, Vrydag 27 November 2009 om 14:00 vanuit die Hervormde Kerk, Dwaalboom.