3-Kamp vir jonges

MAKOPPA – Die driekamp wat op Saterdag 14 November ten bate van Laerskool Van Wykskraal aangebied is, het 40 deelnemers na die Plaas Staankraal gelok.

Die junior driekamp met verskeie swem-, hardloop en fietsry afstande is deur atlete van so jonk as 6 jaar tot 14 jaar bygewoon.

Die dogterwenners was as volg: Mekea van Zyl (10-14 jaar), Wilmien Schutte (6-9 jaar) en Michaela van Rooyen (voorskool). Die seunswenners was as volg: Benhard van Rensburg (10-14 jaar), Franco Potgieter (6-9 jaar) en HJ van Rensburg (voorskool). Na die amptelike kompetisie, het die pappa’s teen die lewensredders gekompeteer. Die lewensredders, met hul fikse lywe, het die pappa’s net-net gewen. Die organiseerders bedank graag vir Thaba Spar en die ander borge wat die dag help moontlik maak het.