VLU Thabazimbi besoek organiese kwekery

Vlnr Marie du Buys, Marietjie van der Merwe, Susan du Preez, Pam Botha, Liz van Tonder, Martie Stander, Jakkie Vos en Zalita Fourie by Letlapa Pula kwekery.
Vlnr Marie du Buys, Marietjie van der Merwe, Susan du Preez, Pam Botha, Liz van Tonder, Martie Stander, Jakkie Vos en Zalita Fourie by Letlapa Pula kwekery.

THABAZIMBI – Die lede van VLU Thabazimbi het op Donderdag 10 September by Letlapa Pula organics, ‘n organiese groente kwekery naby Koedoeskop, besoek afgelê.
Peter Cramer, wat die kwekery bestuur, het die dames meer ingelig oor die organiese produkte. Volgens Peter lê die verskil aan die besondere produkte in die maak van hul eie kompos wat geen gifstowwe bevat nie.
Daarna het die dames vergader in die tuin van Hannelie Botha. Die gasvrouens, Hannelie Botha en Janie Breedt het gesorg vir ‘n heerlike middagete met vrolike gedekte tafels wat die regte lente atmosfeer geskep het. Marietjie van der Merwe van Aandrus Kwekery, het ‘n Apiesdoringboom geskenk wat in Hannelie se tuin geplant is. Die tak se volgende vergadering is op 8 Oktober om 09:00 by die KunsteGrot.