Skade na roekelose bestuur

Dit blyk dat die Opel Kadette ‘n Datsun bakkie aan die regterkant wou verbysteek terwyl dié besig was om regs te draai na die Thabazimbi asgate.
Dit blyk dat die Opel Kadette ‘n Datsun bakkie aan die regterkant wou verbysteek terwyl dié besig was om regs te draai na die Thabazimbi asgate.

THABAZIMBI – Nooddienswerkers is op Dinsdagmiddag omstreeks 12:00 na die toneel op die R510 suid van Thabazimbi by die Dwaalboom afdraai ontbied nadat twee motors in ‘n botsing betrokke was.
Volgens die polisie op die toneel het die bestuurder van die blou Opel Kadette die Datsun bakkie verbygesteek wat op sy beurt besig was om regs te draai na Thabazimbi asgate.
Die motors het gebots en die bestuurder van die Opel Kadette het beheer oor sy voertuig verloor, die voertuig het deur die omliggende doringdraad gery en op sy regtersy te lande gekom. Die Datsun bakkie het ook die pad verlaat en langs die pad, nie ver van die ongelukstoneel, tot stilstand gekom. Niemand is in die ongeluk beseer nie en geen name is bekend gemaak nie. ‘n Klag van roekelose bestuur word ondersoek.