Laerskool Kaskardag groot pret

Juffrou Cecile Venter het die spoed terdeë geniet, hier stoot Gr 7 leerlinge haar om die baan.
Juffrou Cecile Venter het die spoed terdeë geniet, hier stoot Gr 7 leerlinge haar om die baan.

THABAZIMBI – Laerskool Thabazimbi het op Dinsdag 22 September hulle jaarlikse kaskar dag aangebied.
Die leerlinge het voor die nuwe kwartaal kaskar-borgvorms ontvang ter fondsinsameling vir die skool. Die leerlinge moes kyk hoeveel rondtes hulle in ‘n bepaalde tyd kon doen met tye wat verskil van graad tot graad. Die Gr 1 tot 4 het 20 minute gehad om so veel moontlik rondtes te kon aanteken, die Gr5 en 6 het 25 minute gekry om te stoot en die Gr 7 het ‘n halfuur gekry.
Van die skool se leerkragte kon ook hul kaskarkragte ten toon stel, en heelparty onnies het die spoed en die wind in hul hare terdeë geniet.
Terwyl van die leerlinge besig was met die kaskarre het die ander leerlinge lekker op die waterwurm , meganiese bul en springkastele gespeel.
Die wenners van die verskeie groepe is as volg: Gr 1 – 1/56, Gr2 – 2/72, Gr3 – 3/53, Gr4 – 4/36, Gr5 – 5/29, Gr6 – 6/31 en Gr 7 – 7/65.