Kleurvolle Laerskool Operette reuse sukses

TBZ Junior operette 1,2,3: Die kleurvolle Pannekoekland van die junior fase se operette.
TBZ Junior operette 1,2,3: Die kleurvolle Pannekoekland van die junior fase se operette.

THABAZIMBI – Laerskool Thabazimbi het vanaf 17-20 Augustus hul jaarlikse Operette aangebied.
Die operette het bestaan uit die Junior fase met die Gr R, Gr 1-3 en Senior fase wat die Gr4-7’s ingesluit het. Die junior operette, genaamd Pannekoekland het gehandel oor die slegte “Faffie” ‘n vetkoekfeëtjie wat Pannekoekland toegesluit het sodat niemand meer pannekoek kon eet of bak nie. “Eddie” die eierkedompie het by koning “Torello” die towenaar gepleit om pannekoekland oop te sluit, waarna die kinders eers ‘n paar vrae oor pannekoeke moes beantwoord voordat die koning vir Pannekoekland oopsluit. “Faffie” die vetkoekfeëtjie is toe verander na ‘n goeie fee, naamlik ‘n gouestroopfeetjie en mensekinders kon nou weer pannekoek bak en eet.
Die senior fase se operette, Karnallies in die ruimte het gehandel oor 3 mensekinders wat in ‘n vlieënde piering wat op een van die mensekinders se plase gevind is, geklim het. Hulle peuter toe met die knoppies en daar styg die piering op en word hulle deur marsmanne na die planeet mars ontvoer waar koning “Pingpolius” navorsing op hulle doen. Die drie kinders wou net huis toe kom en was baie ongelukkig omdat hulle nie kon terugkeer aarde toe nie. Die robotte beplan om vir mars oor te neem en die monsters probeer hulle keer. Gelukkig sien koning “Pingpolius” wat aan die gebeur is en stop die geveg waarna die koning ‘n ruimtefees aanbied. Na die ruimtefees word die kinders weer huistoe gestuur en word hulle baie opgewonde ontvang deur hul verlangende ouers.