Wes Voere Thabazimbi Uithouritte

THABAZIMBI – Alle perdeliefhebbers kan hul kalenders vir 25 en 26 September oophou wanneer ‘n heerlike saamkuier geleentheid op die plaas Allied Koedoeskop, 06:00 tot 21:00 gaan plaasvind.
Hierdie uithourit word deur Wes Voere Thabazimbi moontlik gemaak en toeskouers sowel as ruiters wat gaan deelneem is welkom om die saamkuier geleentheid by te woon.
Daar word sowat 100 ruiters en perde verwag van so ver as Belfast, Pietersburg, Tzaneen, Delmas, Capricorn, Elma, Krugersdorp en Magalies. Die afstande van die uithouritte is 30km, 60km en 80km en die langste 120km, die ritte en ruiters voldoen aan die reëls en standaarde van ERASA (Endurance Riding Association of South Africa).
Die toeskouers kan ook sien hoe word die perde afgekoel en gereed gemaak vir die volgende been van die rit, veeartse ondersoek en kyk na die algehele toestand van die perd, as hy nie gereed is nie mag hy nie aangaan met die volgende been van die rit nie. Daar sal elke dag na die afhandeling van ‘n bepaalde afstand ‘n prysuitdeling wees met pryse geborg deur Wes Voere Thabazimbi.
Ruiters het nog kans tot 24 September om in te skryf vir die uithouritte. Daar sal ‘n kafeteria wees en braaipakke is ook beskikbaar. Vir meer inligting skakel Leon 083 675 2289.