HFM krieket uitslag

THABAZIMBI – Verlede Saterdag 5 September het HFM se 1ste span teen Piet Potgieter meegeding in hul laaste liga wedstryd vir die seisoen.
HFM verloor die loot en word gevra om eerste veldwerk te doen. Piet Potgieter word uitgeboul in die 24ste beurt vir 139 lopies. Beste boulers op die dag was Juandré du Toit met 4 paaltjies vir 27 lopies in 6 boulbeurte, Jacques Payne neem 2 paaltjies vir 23 lopies in 7 boulbeurte, Bruce Stevens neem ook 2 paaltjies vir 35 lopies in 4 boulbeurte. HFM begin kolf en slaan die wen lopies in die 18de beurt. Le Roux Bodenstein teken 66 lopies aan, nie uit nie en Ettiene Marais teken 41 lopies aan. HFM wen die wedstryd met 7 paaltjies.