Sport

Grotes gevang by Konsentrator

kwevoel
Die wenners van Northam Hengelklub se maandelikse kompetisie was (agter van links) Judith Pretorius, Mariëtta Botha, Gerald Burger, Ronaldo du Toit, Willie van den Berg, Armand Pretorius, Charl le Roux en Demsie du Toit. Voor is Alicia Jacobs en Johan Niemann. Afwesig: Ellen Evert.
Die wenners van Northam Hengelklub se maandelikse kompetisie was (agter van links) Judith Pretorius, Mariëtta Botha, Gerald Burger, Ronaldo du Toit, Willie van den Berg, Armand Pretorius, Charl le Roux en Demsie du Toit. Voor is Alicia Jacobs en Johan Niemann. Afwesig: Ellen Evert.

NORTHAM – Die Northam Hengelklub het die afgelope naweek sy maandelikse kompetisie in sonnige weer by die Konsentratordam gehou. ‘n Paar grotes is uitgetrek.
Die wenners is bepaal deur die drie grootste spesies. Die hengelaar met die grootste barber is eerste, met die grootste kurper tweede en met die grootste karp derde.
Die Seniors Afdeling is gewen deur Gerald Burger, tweede was Demsie du Toit en derde Willie van den Berg. Die Dames Afdeling is gewen deur Mariëtta Botha, met Ellen Evert in die tweede plek en Judith Pretorius in die derde plek.
In die Juniors Afdeling het Ronaldo du Toit beide eerste en tweede plekke verower met Charl le Roux derde. Armand Pretorius was die wenner in die Penkoppe Afdeling, Alicia Jacobs was tweede en Johan Niemann derde.
Daar is altesaam 649 visse gevang met ‘n gewig van 416.77kg deur die altesaam 41 deelnemende hengelaars.