Sportnuus van HFM

THABAZIMBI- Verskeie leerlinge van HFM het in toneel, rugby en krieket presteer. Die toneelgroep het op 28 Augustus deelgeneem aan die Interhoër Toneel by Hoërskool Hans Strijdom te Naboomspruit. Die leerlinge het hul goed van hul taak gekwyt en ‘n algehele 3de plek is aan hulle toegeken. Ben Viljoen was 1ste en Piet Potgieter het die tweedeplek ingeneem. Amanda Venter van HFM is aangewys as die beste aktrise van die streek. Die o/15 krieketspan van HFM het op 29 Augustus 2009 teen Warmbad op hul tuisveld gespeel. Hulle het eerste gekolf en is vir 137 lopies uitgeboul in die 39ste beurt. Warmbad het die wen lopies in die 37ste beurt aangeteken met nog 3 paaltjies staande. HFM verloor dus met 3 paaltjies. Die Eerste krieketspan het in hul wedstryd 220 lopies aangeteken in 35 beurte. Pieter Balami het 45 lopies , Ettienne Marais 42 lopies en Michael Karemaker 40 lopies aanteken. Warmbad word uitgehaal vir 190 lopies. Die beste boulers op die dag was JJ Els met 3 paaltjies vir 42 lopies in 5 beurte, Juandré du Toit neem 2 paaltjies vir 28 in 5 beurte. HFM wen met 3 paaltjies. HFM se rugbyspelers het aan die jaarlikse Tuks Driedruk Reeks deelgeneem. Die wedstryd teen Wonderboom is verloor 2-4, maar dit was met ‘n verswakte span. Die reeks vind elke jaar plaas en skole van regoor die land neem deel.